Lalpa hman tlak

2      Duhna/Phûrna/Tumruhna ;

Phillipi 3:11-14 : Hmu tawh reng inti ka ni lo va, famkim tawh reng inti pawh ka ni hek lo; “Krista mi man chhan chu ka man thei dah law maw,” tiin a umin ka um zawk a ni.

3:13 Unaute u, manah ka inngai lo. Amaherawhchu he thil pakhat hi ka ti thin – hnung lama thil awmte chu theihnghilha, hma lama thil awmte chu banin,  3:14 Krista Isuaa Pathian chung lam koh chhan lawman hmu turin, tiam chin lam chu ka pan talh talh a ni.

          Hetia a tih theihna chhan chu khing thil pathum te khian a phuar tlat vâng a ni.

          Lalpa hman tlak ni tûr chuan sual laka kan inthiarfihlim a ṭûl leh tâ a ni.

 Lalpa tána mi ṭangkái (Lalpa Hmantlâk te nihphung tûr te)

 1      Pathian an dah  hmasa a, a thu an ngáipawimawh ṭhîn :

1  Matthaia 6:33 : A ram leh a felna chu zawng hmasa zawk rawh u, tichuan chung zawng  zawng chu a pek belhchhah dawn che u nia.  Pathian hian a chatuan thil ruahman leh thil tum thlangtute mi hi a hmang ṭhin.

Thiltih tûr pahnih bûk ngái ,ëng zâwk nge ka tih ang aw? tih kan neih cháng te hian Isua’n eng zâwknge a tih ang? Tih kan ngaihtuah ṭhin a ṭha hlê a ni.

2      A duhzáwng ti tûra, a man pêk huam apiang hi Lalpa’n a hmang ṭhîn :

         Luke 4:27 : Tupawh mahni kraws pua mi zui lo apiang chu ka zirtir a ni thei lo vang”

Luke 4: 33: Chutiang bawkin nangni zingah hian tupawh a neih zawng zawng kalsan lo apiang chu ka zirtir a ni thei lo vang.

2 Timothea 2:3 :  Krista Isua sipai tha tak angin hrehawm mi tuarpui rawh. Sipaia awm tura thlangtu chu a tihlawm theih nan, sipai tumah indo laiin tun  damchhung khawsaknate hian a intihnawk ngai lo va. Kan chak záwng leh duhzáwng pawh paihthla ngam si lova Lalpa zui kan zui chuan mi ṭangkai tak kan ni thei lo ṭhin a ni.      

3      Pathian thu duh takin an  dawngsawng ṭhîn :

         Jeremia 15:16  I thute chu tihlan a ni a, ka ei a, I thute chu ka tan lawmna leh ka thilnlung hlimna a ni;

         Aw LALPA, Sipaihote Pathian, i hming kan pu ta si a.

 Pathian thu kan hriat te hi kan duh chinah kan ei mai ṭhîn em le? A harsa deuh te kan hrethiam lo-a kan peh hêl mai ṭhîn.

4      Chhiahhlawh rilrû a pu ṭhin :

Matthaia 20 :26  Tupawh in zinga mi lian nih duh apiang chu in rawngbawltuah a awm zawk tur a ni; 

20:27   tupawh in zinga hmasa ber nih duh apiang chu in chhiahhlawhah a awm bawk tur a ni;

20:28   Mihring Fapa hi rawngbawlsaka awm turin a lo kal lo va, rawngbawl tur leh mi tam tak tlan nana a nun pe tur zawka a lo kal ang khan,” a ti a.

5      Thlarâu bo veina rilru a pu ṭhîn

 Matthaia 22:39 : Nangmah i inhmangaih angin i vengte pawh i hmangaih tur a ni,  (Dan hretu Lal Isua’n a chhanna a ni)

6      Mahni chakna / theihna-ah a innghat ngâi lo :

Mihring chakna hmachhuan hi chuan tih theih chin kan nei ṭhîn, Lalpa chakna richhan erawh chuan khawvêl hneha ngam theihna kan nei dáwn a ni.

 Hebrai 4 : 16 Chutichuan, zahngaihna kan hmuh theihna tur leh, puih kan ngaih huna tanpuina khawngaihna kan hmuh theihna turin, khawngaihna lalthutphah chu huai takin i hnaih ang u.

 7      Mahni inthunun thei mi an ni ṭhîn ;

I Korinth 9:25 Tin, intihsiaknaahte chuan a bei talh talh apiang chu engkimah an insum ṭhin a ni. Anni zawngin lallukhum chhe thei hmu turin an bei a, keini erawh chuan lallukhum chhe thei lo hmu turin.

9:26 Chutichuan, tiam chin lam panin ka tlan ngat ngat a ni, boruak mai hnek lovin mahni ka inhnek zawk thin a,

9:27     chuvang chuan ka taksa ka tichhel a, ka thuhnuaiah ka dah tawh a ni, chutilochuan mi dangte hnena ka tlangaupui hnu pawhin eng emaw tiin keimah ngei hi paih thlakin ka awm dah ang e.

8      Thlarâu Thianghlim-ah a inti hriam ṭhîn ;

Hmanraw bil tak chu hman tlâk a ni lo va, a ṭangkai nêp ṭhin, hmanraw hriam ṭangkai tak ni tûra kan hmanrua kan tât hriam ang hian, Kan thlarâu nun pawh hi kan tah hriam  fo a ngái a ni.

Tawngtaina leh Bible chhiar hi kan intahhriam dân tûr a ni.

 Tlángkawmna :

A      A chunga kan sawi Point 7-ah khian hmasâwnna tûr kan nei ṭheuh ngêi ang, (kei ngêi pawhin ka nei a ni) hmasâwn tlat i tum ang u.

 B      Week-End christian mai tán chuan Lalpa hman tlâk a nih theih loh.

 C     Lalpa rawng báwla mi ṭangkái tak ni tûr chuan Pathian Duhna/ Chakna kan neih tlat a ngái a ni.

                                                                       Sermon Prepared by Kimtea Fanai The 6th May 2013 P Inkhâwm