LALPA-A LÂWMNA

10/08/2013 (tifhs)  Sermon Preparation  Date of Delivery 11/08/2013 at BCM Vénghlun

 Bible Cháng    : Nehemia 8 : 10,  Habakuka 3: 17, James 1 : 2- 3

Kan key point tûr chu Lalpa-a kan lâwmna hi kan chakna a ni tih a ni.

 Lalpa-a in lâwmna hi in chakna a ni ( Backround) : Lalpa’n Babulon Lal Nebukanezara hnêna Israel mite a pêk sal táng kir leh te chuan Jerusalem kulh chei tha-in an ram an luah leh a. Mipui – Tuikawngkhar hma zâwn hmun zau-ah awmin Ezra’(Puithiam leh Lehkha ziaktu ni fâwm) Mosia Dân bu a chhiar a. Israel ho chuan Mosia dan an hriat thar leh chuan Pathian laka an hel nasat zia an hrechhuak a, hrehawm an tiin an tap nasa ta mai a, chu tah Nehemia’n Israel mipuite chu tap lo tûrin leh Lalpa-a an lâwmna chu an chakna a nih zia a sawi a ni.

‘LALPA-A LAWMNA’-IN A KAWHTE :

A     Lalpa-a Lawmna chu thil lo thleng-ah a innghat lo.

Kan thil it deuh kan neih tein emaw kan rinloh lam daih atanga thilpek kan dawn tein emaw Lawmna deuh kan nei vê mai thei. Mahse, chu chuan rei a daih lova, lungawina kan nei tluan thei ngai lo. Chutiang ang lâwmna chu thil lo thleng-a innghat a ni a, mahse LALPA-a lâwmna erawh chu thil lo thleng-a innghat a ni lova, eng dinhmun pawh-a dinga Pathian laka lâwmna hi a ni.

Petera : 1: 2,3 Ka unaute u, in rinna fiahna chuan chhelna a siam tih hriain, thlemna tinreng in tawh hunin lawmna hlirah ngai rawh u.

Paula nun atang hian a chiang hlê âwm e. Rome-ah Lung In-a a tân láiin Philippi khua mite hnênah lehkhathawn a ziak a, lâwm rawh u tiin a chah lawm lawm thei a ni. Lawmna tih lam thu hi vawi 16 chuang Phillipi-ah hian kan hmu bawk a ni.

B  LALPA-a lâwmna chu A ngaihdamna leh A hmangaihna thuthlung-a lâwmna a ni:

Sam 32:1-ah  Davida chuan ‘A bawhchhiatna ngaihdama awm a, a sualna hliahkhuha awm chu, a eng a thawl e” tiin a sawi a

Tin, chang 11 thu-ah Mi felte u, LALPA-ah chuan hlimin lawm ula, thinlung dik tak pu zawng zawngte u, hlimin au rawh u. tiin  a sawi bawk a, Lalpa pawi khawih-a a duhloh záwng titu ngei ngêi pawh Lalpa ngaihdamna a chan chuan Hlimna leh Lawmna in a khat a, ama hlim mai duhtâwk lovin, midang te pawh Lalpa-a hlim-a lâwm tûrin a sáwm a ni.

C   Nitin-a Lalpa malsawmna chhiar-a Lâwmna :

Lalpa malsawmna hi kan chhiarthiam a nih chuan chhiar sen a nih loh zia kan hrechiang viau âwm e; Kan nitin chet vêlna-ah hian a tello chuan engmah kan va ni lo tak êm!

Ex :  Ka motor khalh muthlu

KAN LÂWM THEIHLOHNA CHHAN LEH KAN HNEH DAN TUR :

I    Kan duh kan neih loh avângin:

Kan lâwm theih lohna chhan lian ber mai pakhat chu kan thil duh, mamawh vê êm êm mai leh phû vê nia kan inhriat kan nei thei lo hi a ni âwm e.

I Timothea 6: 6-10

Nimahsela, ei tur leh silh tur neiin chungah chuan kan lungawi ang.

6:9   Amaherawhchu, hausak tumte chu thlemnaah te, thangah te, atthlak leh tikhawlo thei duhna tam takah te an tlu lut thin, chung duhnate chuan chhiatna leh boralnaah chuan mite a tipil thin.

6:10 Tangka sum ngainat hi sual tinreng bul a ni si a; chu chu thenkhatten an awt a, rinna chu an kal bosan a, anmahni leh anmahni lungngaihna tam takin an inchhun tlang ta chuk a.

II      Pathian duhzáwnga thil kan tih thin loh avângin :

         Kawng dik zawh tûr awm reng hian a bul-a dik lo zâwk hi kan thlang leh chut thin. Saula nun-ah khán zir tham a awm âwm e. Keini pawh hian kan duh danin mite thlir chungin kan kal a, Pathian pawisawiin kan hun kan hmang leh mai thin.

III    Mahni Hma kan sial avângin

Tunge tih hlim i chak ber tiin han inzâwt ila, ngun taka ngaihtuaha a chhanna pe tûr ni ila, ‘Keimahni’ kan ti vek ngêi ang. Hmasialna a ni tlat a ni. Ringtute awmdân tûra Isua min duh dân chu ‘mahni kan inhmangaih anga midangte hmangaih a ni tlat si a’ Hemi kawnga ke kan pên thûk poh leh Lalpa-ah lâwmna kan nei nasa zual sauh ang.

III    Mi thenkhat chuan Hlim lo taka awm hi nuam kan ti tlat

Kan nun dân thlâk danglam hi mihring hian kan hreh thîn hlê a, kan thil tih hian natna Buaina leh hlimlohna min thlen tih hrereng mah ila, kalsan kan phal tlat thin lo. Mahni nun vui liam thei lo hian Lalpa-ah lâwmna a nei ngai lo.

ENGVANGA LALPA-A LÂWMNA CHU PAWIMAWH NGE ?

1      Lawm fo ula tih hi thupêk a ni :

       Pathian thu hmun tam tak-ah lâwm tûr  sawmna kan hmu a,

Phillipi 4 : 4 –ah chuan Paula’n, Lalpaah chuan lawm fo rawh u: ka ti leh pek thin ang, lawm rawh u’ a ti mawlh mawlh mai a, engtik hun, kan peih hun, kan dinhmun lo that hun a sawi lo, kan tûn dinhmun zêlah hian Lalpa-ah  lâwm tûrin min fuih a ni.

2      Chakna Hnár a ni

1  Timothea 6 :12  : Rinna intihsiakna tha chu bei la, chatuan nunna chu vuan rawh; chu mi chang turin koh i ni.

Inelna bei tûr chuan chak a ngai, ringtute kan chakna chu Pathiana kan lâwmna hi a ni.

3      Lalpa duhsakna dawnna kawng a ni:

Mihring-ah pawh kan chunga lawm thiam tak chu kan duhsak mai thin, Pathian pawhin a laka lâwm na na na chu a en san hauh lo ang. Lalpa hmangaihtu te chu an thatna tûrin engkimin a thawhsak thin tih kan hmu.

Joel Osteen  -  ‘I mi tawn apiang te chu nangmah pui tûrin Pathianin a rawn tir a ni’

THU TLIPNA  :

Habakuka Tawngtaina :

Theipui thing pâr vul dawn lovin, grêp hrui rah dawn hek suh seng, Olive thing pawh rah lovin, Lovin eitûr chhuah dawn lo seng, Huang ata ran rual tibovin, Ran inah ran awm lo mah seng. Ka lawm zel ang, LALPA-ah chuan, ka chhandamna pathianah chuan ka lâwm cheu dawn.

Tûn hun-ah hian Habakuka hian a tawngtaina ang hi lo chham leh ta sela hetiang hian a chham ngêi ang , Ei tûr nei lovin kan chawhmeh dahna fridge te hi ruak vek mahse, kan sum dahna ip te ruakin pawisa nei lo pawh ni ila, hrisellohna  ten min hual vêlin damni hmél hmu dáwn lo pawh ni ila, Lalpa-ah chuan ka lâwm zêl ang

Lalpa’n malsawm rawh se ! Amen