Social Media tih hi Mizo ṭawng ang maia kan hman a ni ta a, mizo ṭawng hlawm khata dah theih lah a ni na hek lo. Science & Technology-in heng social media platform min chhawp chhuah sak hma kha chuan zawlbuk tual te, tap te, sikri bawr, tual lai te, leh adt kha kan media niin kan inkawm khawm liam liam ṭhin a, mahse technology hmasawnna chuan a bikin ṭhalai nun min ṭhuai her sawk a ni ber mai. ‘Tudang ka ngai tawh lo’ng’ ti ni awm fahranin mobile device nen mahni-a awm kan thlang fo zawk ta mai. Mahse nghawng pawi tak a neih erawh kan hriat a pawimawh si a, sawi ngaihthlak tur leh ziah chhiar tur pawh a tam a, point tlem han thailang ve dawn teh ang.

Midang nena awm thiamna (Interpersonal Skills) a tichhia

Ṭawng leh ziah inanlohna hi nasa tak a ni. Text-ah ‘Ka hmagyh che’ tih chhut a harsat loh teh lul nen tawngka chuan a harsa thin hle. Heta tang ringawt pawh hian Social Media ṭawngkam leh hmaichhan-ṭawngkam danglamna kan hre mai thei awm e, Social media hman nasat lutuk chuan midang nena kan awmtlan-a kan inkawm thiamna min hloh tir thei.

Cyber Bullying

Hmeichhia te hian social media kaltlanga chhaih nawmnah, vau leh bawl an tawk nasa lehzual. A chhan ni thei chu thlalak sexy post ṭhin vang leh dp/icon/status-in a zirloh vang a ni thei. Hei hian kawng tam takin an nun a ti chhia a ni. Ngaia an neih chin a thlen phei chuan an lâktlâk loh tual tual leh nghal. Chuvangin social media-a kan in pose dan hi zahawm tak nise a va ṭha em!!!

Addictive - Productivity a ti tla chhia

Thil reng reng addict (a lo awm theih loh) a nih tawh chuan a buaithlak tawh ṭhin. Mihring kan nih anga kan tihtur ṭul tihna kawngah min ti ṭhuanawp in kan rahchhuah tur leh thawh chhuah tur ang thawk chhuak thei lovin min siam ṭhin a ni. Kan hun min ei sak a, kan tha min ei sak bawk.

Hriselna a ti chhia

Hring reng mai!! Online ho ho chatting bar-ah hian an hming zawn a hring ṭhin a,ṭhalaite hi kan meng rei ṭhin hle tih a hriat, lehkha zira Dar 1:00 men a har teh lul nen!! Hei hian kan hriselna a tichhia. A tukah han tho se, eng vak chu kan paw chhuak lem hlei lo a. Social media-a kan thil hmuh tam zawk hian kan nun-ah a diklo zawnga ngaihtuahna min pe ṭhin, Midang nena inkhaikhinna te, midang diklohna leh chanchin ṭha lo leh ṭawngkam bawlhhlawh te, hei hian depression min pein, kan taksa leh rilru min ei chhe ṭhin a ni.

  Ṭhalaite, social media kan hman thiam loh chuan kan career ti chhe vek thei thil a nih avângin fimkhur ang u.

Dik tak, thianghlim tak, zahawm takin i facebook, whatapp, orkut, twitter ṭhin ang u!! Kan wall-ah hian kan identity kan pho lang a ni.

Thalai Aw 2017 40th Issue-a article contribute a ni a, space a tlem avangin points a tam thei lo.