TKP RAMTHIM NI 2017 Sermon

 Backround :

Persia Lal Kura lal lai-a Pathianin Israel mite an sal tanna aṭanga chhuah zalen an nih tur thu leh Jerusalem-a Pathianin a Pathian In an sak tur thu hriattirna a ni. Israel mite  chu sal tanna hmun thim taka an awm laiin Pathianin a ropuina eng hmuh tirin chu a ropuina chu lanchhuah tir turin Zawlnei Isaia hmangin a hriattir lawk a ni. Tin, Israel chu hnam tin tan eng a nih tur thu he bung leh chang-ah hian kan hmu bawk. Kan ralna/ kan inpekna-ah hian Lalpa hian kan chan a phal lo tih hi a dawt chiah thu-ah a tilang ṭhin.

Tho la – Pathianin a mite a thil ti tura thu a pek dawn hian ‘tho la’ tih ṭawngkam hi a hmang ṭhin.Eg – Abrahama, Mosia, Josua, Gideona, adt Pathian ropuina keimahni-ah a lan dawn avangin chu a ropuina eng lo lang chu thawh chhuah pui turin min ti a ni.

Kan thawhna tur hmun hi a inang lo thluah awm e, Hlawhtlinna chang tur hian ‘Kan Nawmna hmun kan thawh san a ngai ṭhin’ Kan nawmna hmun te chu a inanglo hle awm e. Rawng kan bawl dawn chuan kan in, kan chhungte, kan ṭhian te, kan TV, kan computer, kan Mobile kan thawhsan a ngai ṭhin.

Luka 9:23  - ‘Tu pawhin mi zui a duh chuan mahni hrehawm pawisa lovin, nitin a kross

                     puin mi zui rawh se’

II Timothea 2:3 – ‘Krista sipai ṭha tak angin hrehawm mi tuarpui rawh’

tih thu kan hmuh te hian ringtu nun kawng kan zawhna-ah kan hrehawm kan paltlang a ngaih zia leh kan nawmna hmun kan kalsan a ṭûl zia a lang âwm e.

Eng rawh :

Eng nihphung pawimawh tak chu ral a awm ṭhin hi a ni. Eng kan neih leh kan hmuh hrang hrang te hi han ngaihtuah ta ila,

In-a kan chhit ṭhin – Mombati, Lantern, Table Lamp, Electric torch kan tih-ah te pawh ral a awm a ṭhin.

Keini pawh eng chhuak tur chuan kan nun-ah ral a awm ve a ngai ṭhin –

Engtenge kan nunah hian ral tur ni ang le?

1 Kan thil neih sum leh pai.

2 Kan tha leh zung.

3 Kan hun.

Pathian tana kan ralna hi a thlawn lo

Ni eng hi Khawvel-a thahrui hnar ber (main source of energy) tih a ni a, Eng dang kan sawi ho khi chu an ral thei a, Ni eng erawh hi chu a ral ve ngai lo.

Sam 84 : 11 – Lalpa Pathian chu ni leh phaw a ni si a, Lalpa chuan khawngaihna leh ropuina a pe ang a; Dik taka awm te lakah chuan til ṭha reng renga ui lovang.

Ni-ah engnge thleng ? – Hydrogen gas in belh bawm (Fusion Reaction) chuan Helium a siam a, Light Energy leh Heat Energy nasa tak a pe chhuak ṭhin a, Helium hi rawn keh darh lehin Hydrogen bawk a siam leh a, chhum lo chat lovin cycle burning a awm ṭhin a ni.

Lalpa tana kan en chhuahna-a kan sen ral leh kan chan zawng zawng te hi kan lo chan reng reng lova, a lo ral reng reng lova, kan hmu let ṭhin zawk a ni. A hnuaia kan Bible chang tarlan hian a ti chiang viau awm e.

1. Kan thil neih – sum leh pai – I sumin Lalpa chawimawi rawh,  I thil lo pung hmasa ber zawng

    zawng nen, Tichuan, i buh in chu a lo khat liam ang a, i sawrkhur chu  uain tharin a luang liam

    ang (Thufingte 3:9)

 2 Pe rawh u, tichuan pekin in awm ang,… in tehna ngai bawkin an tehsak dawn si che u a.                    

     (Luka 6:38)

 3 A ram leh a felna zawng hmasa zawk rawh u, chung zawng zawng chu a pek belh chhah dawn

    che u nia. (Mattthaia 6:33)

        Kan ralna/ kan inpekna-ah hian Lalpa hian kan chan a phal lo tih hi a dawt chiah thu-ah a tilang

    ṭhin.         

William Carey-a chanchin :

1786 Kohhran Meeting-ah Minister-a ordained a nih tirhin mission pawimawhna meeting-ah a dinchhuahpui chu chairmanin lo ti tawpin ‘Tlangval ṭhu rawh, i phur lua a nih kha!! Pathian-in a duh phawt chuan nang leh keia buai ngai lovin heng thingbul lungbul bia kan tih ho hi kristian-ah a siam thei’a tih san a ni.

India rama a lokal hian harsatna sawkhar hotute aṭangte, sum lamte, chhungkaw nun-ah a tawk nasa hle.

Malaria natna in a tlakbuak hrep a, a fapa kum 5 mi-in santen-in a boral san a, a fapa thlan a laih a ngai, a nupui Dorothy-in rilru lamah buaina a tawk a, William Carey chu uire ang hialin a chhhuah bawk a ni, thah a tum hial a ni. a nupui pawh hian a thihsan ve leh bawk a ni.

Heti hian william Careya’n a ziak, ‘Ka thiltawn te hi Thihna hlimkawr a va ni tehreng em!! Mahse keimah chauhin ka awm lova, Lalpa ka kiang-ah a awm reng avang erawh chuan kan hlim a ni’ tiin.

Pathian hian a mite hi a kalsan ngai lova, ‘Kei, kumkhuain khawvel tawp thleng pawhin in hnenah ka awm zel ang’titu hi a thutiam-ah a dingnghet tlat a, kan lo ring ngam lo ṭhin zawk a ni.

India rama a rawngbawl chhung hi kum 41 a ni a, vawi khat mah a haw  lo a ni. A rawngbawlna avangin mi 700 ringtu-ah an inlet a, hei baka a thil hnutchhiah hi ropui tak a niin, a hming hi Mission khawvel-ah a dai tawh lovang.

‘Pathian hne aṭangin thil ropui tak beisei la, Pathian tan til ropui tak tih tum ang che’

William Carey

Lalpa rawngbawl turin kan nawmna hmun chhuahsan ngam ila, Ama tana kan en theihna turin kan nun-ah hian ral awm se la, Pathian hmangaihna ropui tak chuan chu kan inhlanna ral chu a chhungkhat zel ang a, chhum lo chat lovin kan eng reng thei dawn a ni.

tifhs@kimteafanai