Bial TKP OB Charge inhlan 2025

1 November 2025 Dar 2:30PM

Vawiin chu Pathian khawngaihna duhawm tak kan chang a, TKP Pangzawl Pastor Bial hruaitu charge inhlanna BCM Khuanghlum GC Hall-ah kan nei.

Hruaitu tharte :

President - Pu FP Laltlankima

Vice President - Rbt C Lalbiakliana

Secretary - Pu H Vanlalruata

Asst Secy - Pu B Lalvensanga

Treasurer - Pu R Lalrohluzuala

Fin Secy - Pu Lalrinzuala

Sen Adviser - Upa C Vanlalhrila (elected)

Charge inhlanna hunah hi Rev PC Lalmuankima, Bialtu Pastor-in min kaihruai. OB hlui leh thar kan kim a, Upa H Lalramchhana Senior Adviser a rawn tel thei ta tlat lo.

OB 3 -in min chhuahsan

Rawngbawlpui 3 - Rbt LP Malsawmtluanga, Rbt  C Lalduhkima leh Rbt Lalsawmliana ten min chhuahsan a hun reng ta mai a, an entawntlakin, rawngbawlnaah hruaitu nih an tling a, min chhuahsan tur hi thinlung takin ka ui hle. Mahni tualchhunga Rawngbawltu ni thei thah mai an ni a, an hlu tak zet a ni. Kan ngai dawn hle mai.

OB Meeting chhunzawm

Charge inhlan zawhah OB meeting neih chhunzawm niin,  Executive committe member tur bakah MTKP Blood donation leh SABC -a chanvo kan neih ennawn ngaite ennawn a ni. Pathianin min pek a nih angin , Devotion-ah 'Nangmahnin ei tur pe rawh u' tia Isuan zirtirte hnena a thusawi chu fuihna thu atan ka sawi. Hruaitu dinhmuna kan din tawh chuan, kan hruai member te ei tur pek hi kan mawhphurhna a ni a, chutiang tur chuan tisa leh thlarau-ah pawh kan theihtawp chhuahin, kan inpe tlat tur a ni. Keima tan tak pawh a  ni e.

Chawhlui kilho

Hun engemaw chen atang tawha rilrua awm tawh Pathian zarah ka tihhlawhtling thei a ka lawm hle. Kan rawngbawlpui Office Bearer chhuakte pual ni pah fawmin chawhlui kan buatsaih a, fellowship tha tak neiin hun kan hmang; Rbt LP Malsawmtluanga'n thlahna thuchah tawi OB kalchhuakte aiawhin a sawi bawk a ni.

LALPAN min hruai ang

Bial TKP President dinhmun chelh tur hian theihna, thiamna leh chakna chhuan tur ka nei lo hle tih ka hria. Mahse, hei hi ka innghahna a ni - Pathian hian a rawngbawl tura a kohte hi a maltlat tir ngai lo. A awmpuiin, a chelh a, a hruai tlat thin. Chu chu ringin, keini pawhin rinnain ke kan pen zel dawn a ni. 

Lalpan min hruai zel anga, Krista leh kohhran tan kan kal zel ang.