26/10/2017 

Naupang, tette atanga Pathian thu leh Pathian Biak In ngaina hi mi puitling ah an chhuak ngei ngei thin. Chuvangin nu leh pa te pawh hian kan fate Pathian Biak In kan ngainat tir hi a pawimawh hle a ni. Heng a hnuaia tarlan te hi Pathian Biak In ngaina tlat thin naupang nunah hmuh tur a awm thin. Points tam tak sawi tur a awm a, 5 chauh ka han dah chhuak a ni. ​

1   Pathian thu hriat kawngah a pui.  Bible thu hi a hranpa-a zir hi a har hle a, Inkhawmna leh Sunday School - a kan hriat inkhawl hi kan zirna pawimawh tak a ni.  Pathian thu lak kawnga kal fawr lutuk tur te a vengin, Pathian thuril hriatna kawngah puitlinna riau an nei thin.. 

2   Nunnghet nei tura kalkawng pawimawh a ni.

Tunlai ringtu tluk leh ding awn fawma kal te hi a tam zawk chu naupan tet laia inkhawm ngai lo an ni. Sunday ah hi chuan kan inkhawm deuh vek thin a, Sunday bak piah lama naupang Pathian Biak in-a kal thinte hian Nun nghet an neiin, belh chian an dawl. 

3   Dawhtheihna an nei

Tunlaiin inkhawm rei leh rei loha buai mi tam tak kan awm ta a, a rei ngai thei lo em em mai te, a bikin thalaite ah kan kat ta nuk mai, Dawhtheihna kan  tlachham tawh hle. Naupang tet lai atanga Biak In ngaina chuan Dawhtheihna an nei tlat thin. Tuar chhel tura an nun train a nih vang a ni. 

4   Pathian dah lenna rilru an nei fo

Khawvel ah hian Pathian ringtu inti theuh theuh kan rin dan chin leh a laka kan innghah ngamna chen pawh a inang lo hle. Naupang te nih lai atanga Pathian bel tlat mi chuan Pathian-ah innghahna thuk tak a nei thin. 

5    Kohhran hruaitu tha tak ah an chhuak fo

Pathian thu-a sei lian, Pathian thu-a chawm leh Pathian Pawl nun nei an nih avangin Pathianin a kohhran hote hruaina kawngah mawhphurhna a pe thin a, rawngbawltu tha tak an ni ni fo thin.