​Psychologists ten fa kan enkawl dan hi chi hrang 4-in an then a,  chumi chungcang chu i zirho dawn teh ang.

 1. Uninvolved Parenting

Hetianga fate thin chuan an fate an thlahthlam em em a ,an fate te tan an awm lo emaw tih hial theih khawpin an thlahthlam thin a ni. An fate-ah phut ilo vak pawh an nei lem lo.

An fate nen an inkawm ngai lova, fate lawm leh chhawnchhaih an nei ngai lo.

Fate mamawh zualpui erawh an ngaihtuah ve a,  an thlahthlam dan em em hi naupang tihnawmnah nen angkhata ngaih theih hial a ni.

Uninvolved parenting hnuaia naupang thanglian te chu 

1) an hlim lova, 

2) mahni inngaihhlutna an nei lova,

3)  mahni inthununna  an tlachham,

4) Tleirawl sual an nei duhin, ruihhlo an khawih hma thin,

5) Rilru lamah harsatna an tawk hmain, beidawnna an nei hma thin.

2.  Permissive Parenting

Permissive parenting hnuaia fate enkawl chuan an fate-ah thil phut tlem te an nei ve a, an fate puitlinna tur leh mahni inthunna kawng erawh an ngaihtuah tam lem lo. An fate’n an mamawh hunah chhuanlam an siam fo thin.

An fate thil duh an tihsak mai zel a, An fate tha taka an awmna tur nia an ngaihah chuan eng ilo lei sak mai pawh an awlsam hle. An fate chunga thuneih vak an tum lem lo a, an fate awm dan turah dan leh dun pawh an siam lem lo a,  an siam chhun bawhpelh a nih pawhin an ngaihven lem lo bawk.

An fate thiltih an en zui pui tam lova, an fate tihtur chu an duh leh duh lo-a tih turah an dah mai zel.

Hetianga enkawlna hnuaia naupang thanglian te hian heng harsatna te hi an nei thin.

1) mahni inthununna an tlachham thin.

2) Dan zawm an harsat thin

2) Zirna-ah an hniam.

3) Nunphung an hre lo duh

4) Tleirawl chho-ah sualna kawng zawhin ruih theih thil tih an ching thin.

5) Mi kawm an thiam lo a, vantlang thiltih leh a huhoa thiltih-ah an khawr thin.

3. Authoritarian Parenting

Hetianga fate enkawl thin chuan fate ah beiseina an nei sang em em a, fate ngaihsak kawngah erawh an hniam  thung thin.

“Nu leh pain  kan sawi tawh chu in ti tur a ni” tih chu an thu vauchher ber a ni thin. An fate lakah an strict em em a, an nunphung siam tha turin hremna an lekkawh awlsam thin.

Hetiang-a enkawl naupang chu

I) An hlim lo

2) Mahni-a tal an thiam lo fo.

3) Him lo riauin an inhre thin.

4) Mahni inngaihlutna an nei tlem.

5) Nunphung-ah harsatna an nei hma.

6) Zirna-ah an tichhe thin.

7) Midang nena khawsak an harsat thin

8) Rilru lama harsatna an nei hma thin.

9) Zuk leh hmuam, ruihhlo-ah an tlan hma.

4 Authoritative Parenting

Hetiang-a fate enkawl thin nu leh pa chuan theihtawpin an fate an ngaihsak a, an fate lakah pawh phut an nei sang.

an fate awm dan tur an rel fel sakin tihtur chin leh tih loh tur chin an duang a, an fate pawhin an duhzawng an sawi ve thin. An fate an tanpui tha a,  fel taka mahnia tlahrang thei turin an fuih thin.

Hetianga naupang enkawl te chu

I) An hlim a, an lungawi bawk thin.

2) Mahni-a tlat hran an thiam thin.

3) Zirna kawngah an hlawhtling duh.

4) Mahni inngaihhlutna an nei thin.

5) Thian kawm an thiam.

6) An rilru a hrisel a, nun kawng sual an dai mawh thin.

Heng fa enkawl dan kan sawi hrang hrang zingah hian, a hnuhnungber-a kan sawi, Authoritative Parenting hi Psychologist leh Psychiatrist te chuan a tha ber niin an ngai a ni.

Eng category hnuaiah nge nang i awm ve le?

Hemi chungchang video hi a hnuai link ah hian a en theih e.

​https://www.youtube.com/watch?v=8jV0d3Ox0yg