Kum 2018-ah Pathianin rawngbawlna hlu tak Pangzawl Pastor Bial Zaipawl Conductor nihna chu ka kovah a dah ve tlat mai a, phu lo ka inti a, ka induhkhawp loh tak zet thin.  Thiamna chhuan tur phei chu ka van nei lo teh lul em! 'Lalpa, a va mak em' ka ti leh vawng vawng thin. Mahse, Pathian chuan Amah intumchawp zelin a duhna hmunah min hruai a, a ropuina tarlanna tur hian misual ber pawh min duh hi ka lawm tak zet a ni.

He hla 'Hmangaihna thu mawi ber' tih hla hi kum 2023-ah khan Pathianin min pe.

Lal Isuan a nihna dik tak min hmuh tirin, Misual hnen thleng phak Pathian a ni tih min hriattir a, Ka sualna avanga ka zah em em leh ka mualpho laiin, Lal Isua-ah ka tlulut a, Anin khawngaihna nen min kuangkuahin min lo thlamuan a ni tih ka hria. Ka hringnun hi min zawhpui a, chawlhna nuam takah Amah avangin ka nun hi a chawl thin a ni.

He hla hi Pangzawl Pastor Bial Zaipawl 2022 - 2024 chuan Music video siamin Youtube lamah kan dah ve a, Pathian ropui nan chauh a tharin ka hlan leh e. 

Lalpa ka lawm e.