September 15/2017

Kan Kohhran Zaipawl chu Kum 2017 Pangzawl Pastor Bial Inkhawmpui vawi 50-na BCM Khawngbawk-a neih turah Sakramen Inkhawm a, Pathian chawimawina leh pawlna hla sa tura beisei kan ni a, hemi atan hian mak tak maiin Pathianin hla min pe a, ka va lawm tak em!! Ka theihna leh thiamna engmah ni lo chu a hausakna renrual loh zawk-in min ti hausa a, ka lawm takzet a ni.

Chhandamtu duhtak chu. Ka Tlantu Hmangaihtu,

Min tlan turin a lokal;

Lei miten an duh lo ve, sawichhiatna tinreng te,

Tuarin a hringnun a hmang zo;

Ka tan a ni a tuar, ka bat min tlak sak a,

A hming chawimawiin ka zui ang.

Mana a awm dawnin , Zanriah hnuhnung hlu ber,

A zirtirte nen an kil;

“Hei hi min hriat reng fo nan, lo ti ṭhin ang che u”,

Tiin Malsawmna thu a sawi;

I thisen leh taksa kan chang ho leh ta e,

Isu, mal min sawm sak ang che.

Kross kawng hrehawm tak chu, Lal Isuan a zawh e,

Eng ang takin na ang maw?

“Ka Pa, Ka Pa, engahnge min kalsan tak mai le?

Ngaidam rawh an sual an hre lo,

“A kin ta” tiin a thlarau a thlah ta a,

Ka aiawhin a thi ta a.

Chhandamtu duhtak chu, thlan-ah an zalh ta e,

Leilungin a lal thu an puang;

Thihna chelh hlen rual loh-in, thlan aṭangin a tho,

“Hetah a awm tawh love”

A thawhlehna vangin chhandam ka lo ni ta,

Van khua leh tui ka lo ni ta!! 

HALELUIAH!!