Hla tobul

Zan khat chu inleng ka nei a. A rilru a chau a, a hah a, a awmna leh dinhmunah a lungawi lo a ni tih a hriat hle mai a. Pathian rawngbawlna nasa taka kalpui a, chelh tawh, sual khura tang leh chhuah ngaihna hre lo a ni. Tuna a dinhmun chu chhiain duhawm lo hle mahse, chhuah ngaihna a hre mawlh bawk si lova, Mahse, beiseina a nei a, chu chu „a nunah, Isua a lokal leh ngei dawn a ni‟ tih a ni. Isua hmangaihna par zu tem a, hun a hmanlai te chuan a vel tap fo thin a, chu a dinhmun hrehawm tak atanga a chhuah leh hun tur chu beiseina nen a thlir fan a ni.

Sual hliama awma, kan duh loh kawng kan zawh chang a awm a; a chang phei chuan kan lut thukin, tal chhuah harsat takin kan awm thin hial a ni. Mahse, chu hunah chuan beidawng lovin, Lalpa au zel ila, Ani chuan min la chhuak leh ngei ang.

“Mi fel takte lam tura lokal ka ni lo va, mi sualte lama simtir tura lo kal ka ni zawk”

Luka 5 : 32