Inrintawkna (Confidence)leh Mahni Inhlutna (sels Esteem) hi kan kan rilru nihphung pakhat, enkawlna leh zirtirna kan dawn atanga kan neih a ni. Mahni kan inngaihhlut dan leh inrintawkna hi thil kal kawp tlema danglamna nei chauh an ni a. Tun Tumah hian thu khat angin kan kalpui mai dawn a ni.

Mahni inrintawkna kan neih pawh hi kan thiltih tur leh experience tur azirin a danglam thei ve bawk. Over-Confidence hi thil awm ve thei a ni a, engkim ti thei mai tura inngaihna hian hlawhchhamna a siam ve thei tho bawk a ni.

Mahni inngaihlutna (Self Esteem) tih hian chapona lam a kawk lova,mahni nihna pawm leh mahni nihna-a lungawina a ni. Miin self esteem a neih chuan a fei a, a thil tawnah insiamrem thiamna a nei thin. A letling chiahin miin self esteem a tlak chham chuan a nuna thilthleng-ah a insiamrem thiam lova, a rin loh leh duh loh anga thil thlengin nasa takin a ti down a, damchhung tawite-ah nun hrehawm takin a hmang a, mental disorder kan hriat lar em em Depression leh anxiety pawh an nei hma em em a ni.

Thupui tak takah han lut tawh ang aw!! Engtinnge Mahni inrintawkna leh inhlutna chu kan neih zual zel theih ang.

1. A tha lo zawnga nangmah i inhriatna - Negative belief te chhui chhuak la,hneh tum rawh. Fing tawk lo, fel tawk lo, thei lo,thiam lo, hmeltha lo, zeilo (Lo list) ho kha i thluak atanga paih a ngai. Khang i thattawklohna nia i hriat te kha ziak chhuakin, i tha tawk a ni tin thlak tum ang che.

2. I thatna hmuhchhuah tum rawh.

I thatna lai nia i inhriat leh miin an fak thinna che i nihna tek kha ziak chhuak bawk la, fiamthu thiam,kawm nuam, mi care thiam, sports lama zei, mi hriatpui leh hriatpui loha nihna tha i neih te kha ziak chhuakin hrechhuak fo thin ang che.

3. I bula awm tur thlang fimkhur rawh.

Nitin i bula awm thin te kha ngaihtuah teh - thenkhat chuan khawvel nuam tak an hlui che ang a, thenkhat thung chuan khawvel hremhmun an hlui ang che. Thenkhat bulah chuan i hlutna i hre fo ang a, thenkhat bulah chuan mi chaklo tak niin i inngai ang.

I chaklohna leh thattawklohna hriattir fo thintu mihring chu kalsan thin ang che.

4. Tumah, nang tiamin famkim an awm lo tih hre rawh.

darkar 24 chhungin fel fai takin thil i ti zo tluan parh thei kher lo ang. Kan thil tih leh kan thil tawn azirin, a changa kan hahdam viau laiin, a changa. Hahdam lo leh zak cheih cheiha khawsak chang pawh a awm lo thei lo. Chung ah chuan nangmah i inrinna leh i inngaihhlutna kha dah bo hlauh chuang suh ang che. Positive taka i self -negative opinion dawngsawng thiam hnenah lo phei chuan tha lo i intihna leh i chaknlohna nia i hriat te share reng reng suh ang che.

5. Induh tawk ve la, a tul hun-a ‘Aih’ tih zir ang che.

Mahni inngaihlutna tlachham chuan midang hnial leh a tul hun pawja ‘aih’ tih an thei thin lo.Chumi sawhkhawk let ah chuan an chau a, phurrit an insiam hial zawk thin. Hei hian chapona avanga mahni induh lam a kawk lo ania, i theih loh chhan thiam taka i client hnena i hriatthiam tir kha i personality dang Interpersonal relationship develop-na a ni a, hemi chungchang pawh hhi remchan-ah video buatsaih leh kan tum dawn nia.

6. I taksa hriselna ngai pawimawh rawh.

Kan taksa hrisel leh chakna hian kan ngaihtuahna a nghawng nasa hle a. Thil thlir dan a tidanglamin, mahni kan inhmuh dan phei chu a nasa takin a nghawng a ni. Taksa hriselna turin Exercise lak that a, ei tih that leh, mamawh ang tawk mut a pawimawh, hriselna leh damreina video ka siam pawh kha i la thlir lo a nih chuan i lo thlir dawn nia.

7. Thil challenging tak ti thin rawh

Thil harsa leh samkhai lo thil tih hi self esteem nei tura thil pawimawh tak a ni. Inbuatsaihna tha tak nen hringnun hi hmachhawn la, thil harsa paltlang la,chu chuan mahni inrintawkna nasa takin a pe dawn che a ni. Mahni nawmna hmun tlan chhuah san ngam khawpin huaisen la, huaisenna nei tur khawpin hringnun hi chen tum ang che.

Chhiartu duhtak, i hlawkpui ngei ka beiseiin, duhsakna ka hlan a che!

Youtube ah hetah hian video en theih a ni e.