TKP Blanket su tur motor-a rawn inzuiin hlim takin an lo zai a,

Hnatlang tur zaipawl, “Ka chakna Isua Krista chu ring tlatin nitin Pathian ka pawl ang a, kan kohhran Pathian biakna leh hnathawhna-ah ka tel zel ang, (kan Lalpa hming), Khawtlang thatna leh inunauna tinghet turin ka thawk ang a, Krista hnenah midangte hruai ka tum tlat ang” tiin hlim takin an zai dal dal a.

Dennisa leh Roberta, TKP Member hlate list-a chuang, nasa taka tawngtaipui thinte chuanTKP Blanket su tur kalkawng-ah chuan thil an lo in a, an unit TKP Blanket sukna tur motor-in a tlanpelh lai chuan zak leh inthlahrung rilru takin an kimki chawih chawih mai a, pawn lam-ah erawh an chhungril inkiltawihna chu hriat theih a ni lem lo.

Dingi, TKP Active member pakhat chuan ‘Dennisa leh Roberta te hi kan tawngtaipui nasat tehreng nen an rawn intatlut har e’ a ti a.

Hlima, “Khawvel an la thlahlel rih a nih kha, zu leh ruihtheihthil dangte hi engmah a nih loh zia han hrechiang sela, Isua hnenah bak kir na tur an hre chuang nang”.

Pu Sangtea, President chuan, ‘Aaaa! An nun a la tuihal tawk lo a niang! Tuihal ni sela chuan a lo inhmang ve tawh em em ang, kan tawngtaipui zel dawn nia. Pathian-in hun tha a la pe ve mai ang. Remchang-ah mimal-a kawm te pawh a tha hle mai”

Dingi, “Ni e, an tha ve leh mai ang”

Pu Sangte, “Hello”

Roberta “Pu Sangte, Dennis-a motorin a su., lo let leh vat teh u’

“Aw!! A va pawi ve aw!! Pu Kim, tawhsual tawk an awm tlat mai, let lawk ang”

Dennisa accident hmun chu an thleng leh thuai a, a kawng kross tur motorin a lo su hi a lo ni a. A thisen a chhuak nasain a chau hle mai.

Chau leh zawi takin, “Pu Sangte, ka thi dawn! ka piangthar si lo, ka duh lo, thih ka la duh lo”

Pu Sangtea, “ Dennis, i thi lo ang thlamuang takin awm rawh!! Isuan a hmangaih che! Eng anga sual pawh ni la, a ngaidam thei reng che ania”

Dennis, “A tlai tawh! Ka sual em mai, ngaihdam tlak ka ni lo”

Thaw na tak lain, a mar hmuh a ni ta lo.

“Aw a van pawi tak em! Dennis, tihngaihna a awm tawh si lo, hetiang a thleng dawn tih hria ni ila, kan tlan pel tawp lovang che maw le!! A van pawi tak em!!”

Robert, “Pu Sangte, Dennisa hi nizan a mumangah a lo thi dawn a, a lo mangang nasa mai a, tukin a thawh veleh min lo bia a, TKP hnatlanna-a kal ve a chak thu leh thian kawm tur a neih loh thu min hrilh a, kalpui turin min lo sawm a, min lo tlan pelh khan, kan bike a chhia a, tui kan lo in chawl a, phar tur che u-in min tia, hnatlang hun nuam deuh chauha intatlut kan ang dawn sia ka tia ka rawn phar ngam lo che u a”

“Aw kan hun hmalam second khat lek pawh hi kan hre si lo” TKP member zawng zawngte chu an ngui nghiai mai a, indawm kunin, sawi tur reng an hre lo.

‘A tlai loh lai chu tun hun hi a ni e’

Krista leh Kohhran tan

Kimtea Fanai

tifhs @13/07/2019 4:00am