THIANGHLIMNA
KNP KHUANGHLUM UNIT
(For KNP Inkhawmpui vawi 38-na, 2025 @ BCM Biak In, Keltan

Hetah hian Video a en theih e.

 Aw                   : Andrew Andrew Andrew

Andrew           : Ah chu tunge?

 Aw                   : Andrew Andrew Andrew

Andrew        :  Pathianin min ko emaw ni le? Samuela emaw min ti niang a. Aaaa Samuela awmin awm tawp mai ang.

 Lalpa thusawi rawh i chhiahhlawhin a ngaithla e.

 Aw                   : I thianghlim tur a ni, kei ka thianghlim si a.

 Andrew       : A va mak e! Ka hming ngeiin min ko bawk si a, ka va hrethiam lo tak. Ṭawngṭai phawt mai teh ang. Aw Lalpa, thianghlim turin min ti a, tisa leh thlaraua thianghlim taka ka awm theih nan min zirtir ang che.

 Thlarau Thianghlim, Zirtirtu chuan a lo awmpui nghal a.

 Thlarau Thianghlim : Andrew, Pathianin i tawngtaina a hria a, Thianghlim taksa i nun theihna turin awmdan tur ka hrilh ṭhin dâwn che a ni. Ka thusawi ngaithla fo ang che.

 Nu           :       Ana, Drewa, Andrew lehkha zir tawh rawh le. Ni pawh a chhuak mawi khawp mai vawiin chu.

 Andrew           : AaAaa, lehkha zir ti ve ziah, Nu, ka inkhel chak asin. Zirtirtute pawn inkhelh hi a hrisel an ti.

 Nu               :  A hrisel tih chu ka hre ve tho a, Mahse, Bawihte, exam a hnai tawh nen i tán tunah rih chuan lehkha zir a ṭha zawk alawm.

 Andrew : AaAaa nu, ka inkhel chak asin.

 TT :       Khaih Khaih Drew, Nu leh pa te thu awih hi thianghlimna kawng a ni tih hre reng rawh aw. Damreina ania malsawmna hnar a ni bawk ania. I nu thu ang chuan lehkha zir rawh le.

 Andrew : Aw Nu, nih kan zir ang e.

 Lehkha chu a zir ta a.....

 Pangzawl Pastor Bial chhunga KNP hmelthaber chu Khuanghlum unit an ni....(2)

-------------------------------------

 School kalna :

Hluhlua:  Hei Andrew, i kal dan khan ka pawi a sawi aw....min cho mi?

 Andrew :  Aa teh ngawt a, Timtom cho e a....

 Hluhlua: E E e kan sobji teh ang che....

 TT :  Hei hei Drew, Khatiang kha Nun dan thianghlim a ni lo aw. Tlawm phawt mai rawh. Insual hian rah ṭha a chhuah ngai lo ania. Mawi taka nun hi thianghlimna kawng pakhat a ni a, Tlawmna hi Hnehna a ni.

 Andrew : Aa... Vàn har thei tâk, Nih Tim, ka cho lo che.

 Hluhlua:  Eeeh fel leh si ve....nih chuan lokal ve la, Hei cigarette a awm...zu ang u hmiang.

 Andrew :  Eng cigarette nge?

 TT : Khai Drew, tinge hriatchian tuma i zawh? meizial, tuibur, zu, damdawi te hi taksa tichhe tu an ni a, tih chhin miah loh tur. Nuam ti viau angin lang mahse,  zuk leh hmuam l e h ruihtheih thilin an taksa a ei chhiat niah meuh chuan nâ hrehawm takin a tlakbuak ngei ngei ṭhin.

 Andrew : A ni maw. A lo va ṭha lo ve. Nih chuan, Tim, ka zu ve lo mai ang.

 Hluhlua: Pa lo tak....inla fel bawk a, Felandrew tih tawh tur a ni....hawh u...kalsan daih ang....

 TT : Drew, thian sual kawm hi Nun chhiatna bul pakhat a ni tih hrereng la, awt ngai miah suh ang che. Mi sual hi chu buh si thliin a len bo ang an ni a, an boralna tur kawng an zawh mêk a ni. Khawvel piah lamah pawh Hremhmun an la kal dawn lehnghal.

 Andrew : Ka lo hre lo a ni, an awmdan hi a nawm hmel thei sia, ka lo chak ru ve ṭhin a, min hrilh takah chuan ka chiang ta kuar mai. Ṭun aṭang chuan zuk, leh hmuam leh zu leh ruihtheih thil te hi nun chhiatna bul a ni tih ka vawng reng tawh ang.

 -----------------------------------

 Emily : Eeeh Andrew, leng ila? Chhe lo riau mai.

 Andrew :  Aaa Aaa ihhh ihhh iiihh....

 Emily :  A lai vel, 

Andrew : Khawiah nge in kal dâwn?

 TT :  Hei Drew, ti nge an kalna tur i zawh?

 Andrew :  A nawm hmel em alawm!

 TT :  Drew, ngun takin lo ngaithla rawh. Theihai hmin rah a pil eng tai mawi tak a awm a, a chhung erawh a nghet thluam mai a, i ei duh ang em?

 Andrew : Aih duh lo ang.

 TT : Drew nawm hmel i tih chu a lan dan a ni a, a tak erawh chu a kha em em thung a ni. Pathian ṭihna, taihmakna, thawh rimna, thuawihna phena malsawmna bâk hi hlimna leh lungawina tâk tâk khawvelah a awm lo tih theihnghilh ngai suh ang che.

 Andrew : Zuali, ka lokal lo mai ang.

 Zuali : Hmmmm...Ṭhing thlawt ṬhingAndrew kan ti tawh ang che....kalsan ang

 TT :  Drew, pawi ti reng reng suh....Khawvel leh a chhunga thil awmte hmangaih loh hi Thianghlimna kawng khat a ni a, misualte hnawl nih hi hnawlna zawnga nihlawh thlak erte zinga mi a ni.

-------------------------------------

 Duatpuia te thianzaho :

Duatpuia: Hei..hei... Kun rawh kun rawh a kap dâwn che...

 Marcus: Hei nang pawh kha i mawng i ti poh lutuk a lo phil ang e.

 Jedidia : Kei chu lungpui phenah k biru dâwn....pil zuk

 Duatpuia : Hei Andrew, Hei phone pakhat ka la nei lo khel ve rawh.

 Andrew : Tak tak maw....khawi maw....

 TT : Hei Drew, tinge i pan leh nghal ruak ruak mai.

 Andrew : Games khelhte chu a nuam ve zuks alawm...

 TT : Drew ngun takin ngaithla rawh... Tunah hian Mimal, nupa, chhungkua eichhiat nana Setana hmanrua hmanber chu Mobile Phone hi a ni. Mobile phone-a an thiltih hma an sawn pui hi a tlem mai ni lovin, a hmangtu tam zawk hian an chhiat pui a ni. Thil ṭha en tur leh tih tur tam tak a awm a, mahse, en leh tih an hlawh lo, Games khelh nan naupangin an hmang nasa, lehkhazir aia buaipui tute phei chuan an hmalam hun an ti chhe vek a ni. Ching ve miah suh ang che.

 Andrew : A lo ni maw... Tun aṭang chuan games ka buaipui ṭhin pawh ka paih tawh ang. Ka vàn läwm em. Hluhlua, ka lo khel ve lo mai ang e.

 Duatpuia :  changkang lo ve sia e....kal daih ang.... 

-------------------

 Andrew :  Buaina ka nei.

 TT : Eng nge ni ta? Drew

 Andrew : Ti nge ka tana ṭha lo leh thianghlim lo kha tih ka chak zel a, ka tlansan a ngaih zel?

 TT :  Eden bawh chhiatna chuan mi zawng zawng a fan a, nangpawh i bâng lo. I chak zawng leh duhzawng chu sual lam kawng a nih tâk vang a ni. Mahse, Lal Isuan, Krossah Nunna thar, thianghlimna a pe leh che a, Amah i rin chuan chu thianghlimna chu i nei leh anga, sual Hnehna nun a pe ang che. Tichuan he leiah leh vanah pawh nun duhawm i lo nei zel dâwn a ni.

 Andrew : Andrew, Aw Lalpa, ka lawm e. Min chhandam a, thianghlimna nun min pe a, ka läwm e. Ka ring che, ka thlang zel ang che.